म आफ्नो मृत्यु निमत्याउँदैछु

म आफ्नो मृत्यु निमत्याउँदैछु

(सागरमणि ढकाल - 27.03.2020)

आ!!!बेकारको कुरा हरु 

कहाँ जाउँ? के गरौं? भन्दै 

अट्टेरी गर्दै सरकारी अध्यादेशहरुको 

म आफ्नो मात्र नभएर 

सबैको मृत्यु निमत्याउँदैछु॥ 

अरुबेला दुध लिन जान अल्छी लाग्ने मलाई 

ब्लेक टि कहिले नखाएको सरह 

म दुधको चिया नखाए मर्छु होला भन्दै 

दोकानमा भिड गरेर 

म आफ्नो मात्र नभएर 

सबैको मृत्यु निमत्याउँदैछु॥

घरमा दुई तिन महिना चल्ने सिलिण्डर 

हुँदा हुँदै 

गोदाममा छ महिना देखि लडिरहेको 

सिलिन्डर भर्न 

लाइनमा बसेर 

म आफ्नो मात्र नभएर 

सबैको मृत्यु निमत्याउँदैछु॥

भात र सुक्खा सब्जीले टन्न भुँडी भर्ने म

अल्छी लाग्दा वाई वाई र मेग्गी धोकेर सुत्ने 

आज सिबीको दाल खोज्दै बजार बजार घुमेर 

भिड बढाउँदै 

म आफ्नो मात्र नभएर 

सबैको मृत्यु निमत्याउँदैछु॥

महिनामा एक दुई पटक माछा मासु खाने 

आज खसीको माँसु नखाए 

भुँडी फुट्छ होला सोच्दै 

म दशै सरह माँसु खोज्दै 

भिड बढाउदै 

म आफ्नो मात्र नभएर 

सबैको मृत्यु निमत्याउँदैछु॥

क्यै कारण नै नभै CL लेखेर 

घरमा टि भी हेर्दै सुत्ने म

आज, यसरी कसरी संसार चल्छ भनेर 

नेता सरह मान्छे उचाल्दै 

म आफ्नो मात्र नभएर 

सबैको मृत्यु निमत्याउँदैछु॥