म तिम्रो मलामीहरुमा आफ्नो मलामी खोज्दैछु
(सागरमणि ढकाल)
संसारमा आफूलाई अजय सोच्ने
साँना कुराहरु आफ्नो हिसाबले नहुँदा खेदो गर्ने
आज भिडमा एकलो महसुस हुँदा
म तिम्रो मलामीहरुमा आफ्नो मलामी खोज्दैछु॥
बिर सुरो ठान्ने म आफैलाई
थाङने मांग्ने म गन्दै नगन्ने
आज समाजमा आफ्नै गन्ती नहुँदा
म तिम्रो मलामीहरुमा आफ्नो मलामी खोज्दैछु॥
दुख पीडामा अर्काको,
मुन्टो बटारेर हिड्ने म
आज आफ्नो दुखमा रुने नहुँदा
म तिम्रो मलामीहरुमा आफ्नो मलामी खोज्दैछु॥
घमंडमा चुर, रिसले आँखा नदेख्ने
चित्त नबुझदा केवल निहुँ खोज्ने
आज आफ्नो अलिकता बचेको अहम बचाँउन
म तिम्रो मलामीहरुमा आफ्नो मलामी खोज्दैछु॥
दुई चार जना हपकाई लखेट्ने
पाँच दस जनालाई टेर्दै नटेर्ने
आज लट्ठी टेकेर हिड्न नसक्दा
म तिम्रो मलामीहरुमा आफ्नो मलामी खोज्दैछु॥
No comments:
Post a Comment