सय दिनमा म आफैंले चाहिँ के गरें??
(सागरमणि ढकाल-10.09.2019)
बितेका सय दिनमा मैले के नै गरें
अफिस गएँ, घर आँए, बेस्सरी खाएँ सुतें॥
ए हौ!! त्यो त्यता गएछ भनि दंग परें
ए हौ!! त्यो यता आएछ भनि छक्क परें।
यो मान्छे ठिक छ भनि आँफैलाई भनें
त्यो मान्छे ठिक छैन भनेर आँफैलाई सुनाँए ॥
बितेका सय दिनमा मैले के नै गरें
सिर्हानीमा ढल्केर विहानै त्यहि फेसबुक नै खोलें ।
जस्लाई भेटे नि के छ हौ माहोल सोधें
उत्तर जे भएनि मेरै मन्तव्य रोजें।
आमा बाबु भन्दा बढि गोले चाम्लिङ खोजें
कैयौंलाई त मनबाट नै सैयौं चोटी गोदें॥
बितेका सय दिनमा मैले के नै गरें
इन्टरनेटको डेटा भने कैयौं जि बी सकें॥
म भए त सरकार क्या चलाइदिन्थें नि लाग्छ
8 नबेजे सम्म फेरि निन्द्रा कहाँ भाग्छ र
फेस्बुकमा बोल्नेहरु सबै सिल्लि लाग्छ
बोल्नु परे आफूकतै मुखमा किल्ली लाग्छ ॥
बितेका सय दिनमा मैले के नै गरें
म सबै जान्ने भनि आफै भ्रममा बसें॥
न त सकारत्मक सुझाव नै केहि दिए
नबोलाए जान्न भनि अहम बोकी रहें।
दोष्याउने त सरकार छदैछ मेरो असफल्तको
कान चिरेको जोगी म हुँ अल्छे थेत्तरो भाको॥
बितेका सय दिनमा मैले के नै गरें
खाए, दोष्याँए, अौल्याँए, त्यति मात्र गरें ॥
No comments:
Post a Comment