यो सय दिनमा मैले के गरें (भाग 2)

यो सय दिनमा मैले के गरें (भाग 2)

सागरमणि ढकाल - 10.09.2019

यो सय दिनमा मैले के गरें 

न त मकै नै रोपें 

न त धान नै रोपें

न त बारी नै जोतें 

न त आली नै लाँए

(Agriculture, Horticulture, Animal Husbandry ) 

न त एउटा गाई नै किने

न त एक किलो दुध नै बेचें

न त फर्सी फलाँए न त करेला फलाँए 

बस गन्गनिन्दै बरु कुखुरो किनी खाँए 

न त कुनै औजार नै बनाँए 

पुरानो हलो पनि चिरेर दाउरा बनाँए 

न त भुईका प्लाटिक पोलिथिन नै टिपे 

गिलो सुक्ख्खा मैला बरु एकैठाउँ मिसाँए 

(Safai Abhiyan) 

न त जाममा अोभरटेक गर्न नै छोडें 

न त साथी संग मिलेर अफिस धाउन खोजें

न त माँतेर मस्त गाडी कुदाँउन छोडें

न त अस्पतालमा पान थुक्न नै छोडें

(Traffic and Health) 

न त अफिसको सिसा फुटाँउन छोडें

डाक्टरका टाउका सके सम्म फोडें

न त सिग्रेट, रक्सी, खैनि खान छोडें

अस्पताललाई बेस्सरी न त सराप्न छोडें

(Education) 

न त नानीहरुको काँपी हेर्न खोजे 

न त होम्वर्क गर भनेर दुई शब्द नै बोले 

शिक्षकलाई बरु सकेसम्म गोदें

सरुवा गराउ भनि सकेसम्म पोलें

(Culture) 

न त दौरा सुरुवाल बक्खु नै पहिरें

न त कुनै एउटा लोक गीत नै कोरें

न त गुम्पा मन्दिरमा एक पटक नै ढोगें

संस्कृतिका लागी न त मैले बोले 

(Afno gau afai Banau) 

न त साना खोबिल्टा माटो लगि पुरें

न त मैलो बाटो सफा गर्न खोजें

हो नेता जति सबैलाई खदा माला लाँए 

भेट्न एकपल्ट सिक्किम भरि धाँए

नोकरी, पैसा जे हुन्छ नि माँगे 

न कि कुनै सुव्यवस्थाको उजुरि चढाँए 

सेल्फी भएभरका नेता संघका फेसबुकमा हालें

लाइक र कमेन्टमा म औधी रमाँए

बेलुकी संधै घर फर्कि आँए

आमाले पकाएको भूडि फुटुन्जेल खाँए

परिश्रम शब्दलाई मैले बैरि बनाँए 

घाम टाउकोमा आउन्जेल म निन्द्रा मै हराँए।