कस्तो रंग लगाँउ तिमीलाई?
(सागरमणि ढकाल 01.03.2018)
कस्तो रंग लगाँउ म तिमीलाई
यो संसार नै रगताम्मे रातो छ।
ईर्ष्या द्वेष प्रबल छ जताततै
यहाँ मनको रंग पनि कालो छ॥
कस्तो रंगले पोतौं तिमीलाई
सेतो पनि मैला कालो छ।
हरियो त पहेंलो छ सुकेर
यहाँ त पानीको रंग नै धमिलिएछ॥
लाली परेको अोठबाट
काली परेका शब्द छरिन्छ।
गुलाबी रंगका मुखारविन्दमा
सादा स्नेहहिन मुस्कान देखिन्छ॥
म कस्तो रंगले पुजा गरौं भन
तिम्रो सिन्दुरको रंग धरि उढेछ।
संसार त रंगीचंगी भएछ तर
तिम्रो रगत चाँहि सेतो भएछ॥
No comments:
Post a Comment