कोरोनाले रोकिएका मलामीहरु
(सागरमणि ढकाल -27.06.2020)
कोरोनाले रोकिएका मलामीहरु
भुटुवा र रक्सी धोक्दैछन् ।
आइ एम सरी फर यर लस भनेर
नजिकिन खोज्दैछन् ॥
मुखटो लगाएको व्यक्तित्वमा
अझ मास्क पनि थप्दैछन ।
कोरोनाले रोकिएका मलामीहरु
करावके(Karaoke) गाउँदै रम्दैछन्॥
लिफामा सजिएका संवेदनाहरु
कोरियर सरह पुग्दैछन ।
कोरोनाले रोकिएका मलामीहरु
आफ्नो ढ्वांगको रिण तिर्दैछन्॥
कोरोनाले रोकिएका मलामीहरु
लम्पसार अोच्छयानमा सुत्दैछन्।
प्रोटोकोलको बाहनामा बरु
दुइ चार हात खेल्न खोज्दैछन् ॥
No comments:
Post a Comment