आइफोन 11 प्रो ( I Phone 11 Pro)
(सागरमणि ढकाल- 26.06.2020)
विदेशिएका आइफोन 11 प्रोहरुलाई
स्वदेशी माटोको महक कहाँ आँउछ र
मेनहेटन र टेक्सासको चहक महक
ओखरबोटेमा कहाँ पाइन्छ र॥
डालरले भिजेको दिमागलाई
रुपियाँ जाबो के हो र
माइला फुपाजुको घरको ठेगाना
"जि पि एसले" कसरी भन्थ्यो र ॥
खेताला धाँउने सोमे र गोब्रे
सर्भेन्ट कहाँ हुन्थे र
घुँडा फाटेका पैन्टहरु
जारा( Zara) किन हुन्थ्यो र ॥
सहयोग आफन्तको च्यारिटी भएसी
परिवार कहाँ बन्थ्यो र
सदस्य- कर्मचारी सरी भएसी
माँया किन बढ्थ्यो र॥
अघि "हेलो हाव आर यु" हाँसेर
पछि कटुशब्दले डिक्सनेरी भरेछ
आई फोन 11 प्रोको संस्कारले
प्रेमको स्क्रिन नै फुटेछ॥
No comments:
Post a Comment