म यथार्थमा आजको सिक्किमे

म यथार्थमा आजको सिक्किमे 

(सागरमणि ढकाल- 12.02.2020)

मलाई खान, लाउन र सुत्न दुख छैन।

मेरोमा कसो कसो प्राप्त गरेको केही certiificates हरु छन् तर मेरोमा त्यत्रो भुकुन्द्रै ज्ञान पनि छैन। मैले पढेका प्राय कुराहरु मैले बिर्सिसके। कतै अबर पर्नु पर्दैन किनभने मेरोमा समार्ट फोन र गुगल छ। म आफैलाई समाजको एउटा गतिलै मान्छे हु भनेर चिनाउन मन पर्छ तर मेरोमा त्यो विग्न confidence पनि छैन।

 म नोकरीवाला हो भने मेरो savings गर्ने बानी छैन। फिजुल खर्चले होला मेरोमा रुपियाँ त्यति बस्न मान्दैन। तर कसो कसो मेरोमा पैसा छ भन्ने भान सबैलाई बनाउन म सफल भएको छु। मेरो प्राय भर अबर मेरो आमा बाबुले नै टारीरहेका छन्। 

मेरोमा नोकरी छैन भने पनि म कमाउने सरह नै आफैलाई पेस गर्छु। सानो नोकरी छ भने निकै ठुलै नोकरी भएको जस्तो व्यवहार गर्छु। 

मलाई कसैको उपदेश सुन्न मन पर्दैन तर दिन भने म संधै अग्रसर रहन्छु। 

मेरोमा ठुलो गाडी लोनमा हुन्छ तर तेल हाल्न भने संधै हम्मे हम्मे नै पर्छ। 

मलाई सबै नेताहरुले नजिकबाट चिन्न सकुन भन्ने भावना आउँछ। नेता संग बोल्न पाउँदा एक दुईवटा सुझाउ पनि ठोकी हाल्छु र कुनै पल नेताले नभ्याएर नबोल्दिदा नेता बद्लिएको जजमेन्ट म आफै सुनाउँछु ।

अर्कोलाई फुर्के भन्न म संधै अग्रसर। मेरो कुरा नसुनेर उल्टा मलाई नै कुरा सुनाँउने जति त झनै फुर्के लाग्छ मलाई। 

म "मै हुँ" भन्ने स्वभावको छु। कसलाई निचा देखाउनु छ भने म सुनेका मन घडन्त कुराहरुलाई मसला थपेर आफुले नै सुनेको-देखेको सरह अरुलाई सुनाउँछु। "तिमीलाई थाहै छैन रहेछ" भनेर शुरु गरेको मनघडन्त backbiting ले मिठो गफको परिभाषा नै बद्लिसक्यो। "कसैलाई नभन्नु है" भनेर मैले धेरैका secret खबरहरु भाइरल बनाइसके। 

म मात्र जान्ने र अरु चै मूर्ख नै हुन भन्ने भावना मेरो मनमा सहजै आइ हाल्छ। कसैले अलिक अग्रसर भएर केहि काम गर्न चाह्यो भने म उसलाई सहजै "के सार्हो बाट्ठे भएको" भन्ने शब्द प्रहार गर्न पछि पर्दिन। उसैलाई त भन्ने आँट हुँदैन तर वरिपरिकोलाई म मज्जाले सुनाउँछु। 

मलाई कसैलाई राम्रो भन्नै आउँदैन। मेरो प्राय जस्तो मान्छे प्रतिको प्रतिक्रिया negative नै हुन्छ। केवल एक दुई जना होलान मैले राम्रो भन्ने मान्छे, त्यो पनि मलाई राम्रो गरेको छ भने मात्र। 

म खिल्ली उढाउन त झन champion. 

म प्राय नै सफल व्यक्तिहरुमा खोट निकाल्न खोज्छु। मेरोमा कसैको राम्रो पन देख्ने नेत्रहरु छैन। 

कुनै कुरा व काम गर्नमा म अस्मर्थ छु भने म सक्दिन भन्ने मेरोमा बानी छैन। म आफैलाई व्यस्त बताउछु व म मान्छे अनि काम सबैलाई  ignore गरेर टाडा भाग्छु। 

म त्यस्तो ब्यस्त मान्छे पनि हैन। म अल्छे छु। म ढिलो सुत्छु, ढिलो उठ्छु। म दिनमा 2 देखी 5 घन्टा सम्म मोबाइल मै बिताउँछु। मोबाइलमा धेरै जसो कसैले हालेका हसाउँने भिडियोहरु हेर्छु। 

कुनै ज्ञानको कुरा छ तर लामो छ भने म हेर्न रुचाउदिन। मलाई जे पनि short and sweet चाहिन्छ। म मेरो प्रोफाइलमा भाणन दिदै गरेको फोटो हाल्न रुचाउँछु नभए कोइ नेता संग उभिएको फोटो। 

म त्यति काम लाग्ने व्यक्ति भएको छुईन 

म उदेक र अचम्मको मानिस भएको छु 

म को हुँ?? 

म यथार्थमा आजको सिक्किमे हुँ।